Համաձայն Հայաստանի Հանրապետության , ինչպես նաև միջազգային օրենքների, իրավական ակտերի և Փողերի Լվացման և Ահաբեկչության Ֆինանսավորման դեմ պայքարի միջազգային օրենքների «Իդրամ» ինտերնետ վճարային համակարգի որոշ ծառայություններից օգտվելու համար անհրաժեշտ է անցնել նույնականացման գործընթաց:

Նույնականացման գործընթացն անհրաժեշտ է հաճախորդի ինքնությունը հաստատելու համար, ինչը, համաձայն օրենքների, ինչպես նաեւ հաճախորդի ֆինանսական գործարքների անվտանգությունից ելնելով պարտադիր է:

Այս պահին, գրանցման փուլից բացի, որի ընթացքում չեն ստուգվում հաճախորդի տվյալները, համակարգում գործում է նույնականացման երեք փուլ:

Գրանցման փուլ – Հաճախորդը համակարգում գրանցվելիս մուտքագրում է անձնական տվյալներ, հասցե և հետադարձ կապի տվյալներ, այդ թվում` բջջային հեռախոսահամար և էլեկտրոնային փոստի հասցե: Այս փուլում տվյալները չեն ստուգվում, և Հաճախորդին թույլատրվում է կատարել

• կոմունալ վճարումներ
  

Նույնականացման Առաջին փուլ – այս փուլում նույնականացվում են բջջային հեռախոսահամարը և էլեկտրոնային փոստի հասցեն: Բջջային հեռախոսահամարին և էլ. հասցեին ուղարկվում են ծածկագրեր, որոնք համակարգում մուտքագրելուց հետո միայն փուլը համարվում է ավարտված: Այս դեպքում վերոնշյալ ծառայություններից բացի Հաճախորդը կարող է նաեւ կատարել.

• գնումներ առցանց խանութներից
  
• վարկերի մարումներ
  

Նույնականացման Երկրորդ փուլ – եթե գրանցման ժամանակ Հաճախորդը մուտքագրել է ոչ ճշգրիտ անձնական տվյալներ, ապա նա կարող է ճշգրտել մուտքագրված տվյալները այս փուլում հաստատելով նոր տվյալները փին-կոդով:

Նշում` Երկրորդ փուլում մուտքագրված անձնական տվյալներն այլեւս հնարավոր չի լինի փոխել, բացառությամբ անձնագրի համարի (այն կարող է կրկին փոխվել միայն անձնագրի փոփոխության դեպքում): Անձնագրի համարի փոփոխության համար Հաճախորդը պետք է ընկերության փոստային հասցեին ուղարկի իր անձնագրի  նոտարով հաստատված թարգմանությունը հայերեն, ռուսերեն կամ անգլերեն լեզվով:

Այս դեպքում վերոնշյալ ծառայություններից բացի Հաճախորդը կարող է նաեւ կատարել.

• գումարի դուրսբերում իր անձնական տվյալներով
  

Նույնականացման Երրորդ փուլ – Հաճախորդի մուտքագրված ճշգրիտ տվյալները ստուգվում են համակարգի օպերատորի համապատասխան ստորաբաժանման կողմից: Նույնականացման նպատակով հաճախորդն իր անձնագրով այցելում է «Իդրամ» գրասենյակ, որտեղ համեմատվում են նրա մուտքագրած եւ իրական անձնական տվյալները, որից հետո հաճախորդին տրամադրվում է ակտիվացման կոդ պարունակող ծրար:
Եթե հաճախորդը չի կարող անձնագրով անձամբ ներկայանալ «Իդրամ» գրասենյակ (վերաբերում է շրջանի և արտասահմանի բնակիչներին), ապա նա պետք է ընկերության փոստային հասցեին ուղարկի անձնագրի նոտարով հաստատված թարգմանությունը հայերեն, ռուսերեն կամ անգլերեն լեզվով, որից հետո նրա գրանցման հասցեին համակարգի օպերատորի կողմից կուղարկվի ակտիվացման կոդը պարունակող փոստային ծրար:

Տվյալ փուլը համարվում է ավարտված ակտիվացման կոդը ստանալուց եւ համապատասխան դաշտում մուտքագրելուց հետո:
Երրորդ փուլն անցնելուց հետո հաճախորդը կարող է օգտվել համակարգի կողմից տրամադրվող բոլոր ծառայություններից, այդ թվում.

• տարադրամի փոխանակում
  
• գումարի դուրս բերում այլ անձի անունով (դրամական փոխանցում),
  
• խաղադրույքներ
• ներքին փոխանցում և այլն
  

Հաճախորդը նույնականացման յուրաքանչյուր փուլը կարող է անցնել միայն այն դեպքում, երբ արդեն անցել է դրան նախորդող փուլերը: